يعين الله يادنيا تسوق أيّامها الأحزان

أيّامها , الأحزان , الله , تسوق , يادنيا , يغدو

يعين الله يادنيا تسوق أيّامها الأحزان
يعين الله وانتي مثل قفل ٍ ضاع مفتاحه

يعين الله وجروحي لها في كلّ وقتٍ شان
كذوب اللي يقول ان الزمن بيداوي جراحه

سقى الله يوم انا يمّه غرير ٍ يزعج الجيران
سقى الله يوم أنا طفلٍ يصج البيت بصياحه

سقى الله يوم كان اقصى طموحي لعبة الدنان
نهاية يومي المغرب وأخاف الليل واشباحه

سقى الله يوم انا البس بشت ابوي وثوبه القيطان
واقلد كلّ شيٍ فيه .. حكيه ، جدّه ، مزاحه

واشيل المسبحه مثله ليا هوجس وهو سرحان
بيشعر واحسب ان اللي عطاه الشعر مسباحه

سقى الله بيتنا ذاك البسيط مشقق الجدران
شجاع ٍ يهزم الغدراء بقنديله ومصباحه

تكحّلنا القناعه لا طمع لا هم لا حرمان
وإذا جاء الليل تكفينا ثلاث اخوان طرّاحه

جميع الذكريات اللي غدت في قفرة النسيان
يحاكي حلوها عبره بموق العين سبّاحه

خذتني غربةٍ عنوانها غربه بلا عنوان
ابي عقب التعب راحه لقى فيني التعب راحه

رجعت اليوم مثل اللي رجع عقب القنص خسران
غدا طيره وجاء يسحب سلوقيه وملواحه

منقول ....

المصدر: منتديات بنات فلسطين - من قسم: الــشعـر والـشعـراء

قصيده رائعه
مآ أبهى سطورها
فـ كل مفردهـ هنآ سمفونيه
ولكل سطر هنآ كآن معه متعة
وإحسآس وشعور
رآق لي طرحك

الله يخليكم يارب

يسلموو حبيبي مؤيد ع تواجدك

مشكوورة كتير مينو ع تواجدك الجميل

تحياتي لكم

اللهم امين وعن الجميل يارب