الفرق بين العنيد والجكر

العنيد , الفرق , بين , والجكر

هناك فرق كبير بين العنيد والجكر
العنيد هوي كل مين بيتشبث برأيو
العنيد بجوز يكون على صواب وعم يعاند
أو بجوز يكون عنادو يتّسم بالسمو الموضوعي
مثال : واحد حابب وحدة وبدو يتزوجها
وأهلو مو رضيانين
وهوي عم يعاند وييبّس راسو
أو وحدة مو حابة تتزوج
وأهلها عم يغصبوها
مثال آخر : واحد عم يقاوم ناس عم يذلوه
ويضربوه بس مشان يقول كلمة باطل وهوي يأبى
وهاد اسمو عناد
أما الجكارة
أو معنى أوضح
الجومسة او الحمرنه
هوي أنو واحد على باطل
وماعم يسمع ولا يتقبل من حدا لسبب وحيد
أنو في هرمونات حيوانية بدمو
يتبع إلى فصيلة الثديات قسم الإنسان فرع الحمير البشرية
إزا وقعت معو بنقاش بيهري نعمتك ولا بيفهم
ولا بيقتنع
بدافع الحيونة الفطري طبعاً
يعني مو بإيدو الشغلة
أو بيعمل حالو أنو إقتنع
بس من داخلو عم يسبك ويهري نعمتك
ويفكر أنو عقلو كبير وذكي .. وهون تكمن المصيبة
ولما بتفتح مخو
بتلاقي خيطين رفاع
لما بتقصهم بسحلو أدانو لتحت
في نوع أخطر
هيي لما الواحد يعرف حالو أنو خطأ
ويكابر على حالو
هي بسموها عرفياً بالتيسنة
وليش تيسنة تحديداً
لأنو التيس بعيش بالجبال
وبعيش على الثروة الحرجية
التي مهددة بالزوال لكثرة التيوس التي تعيش عليها
ولما بتقلو للتيس وهوي عالجبل
إنزل .. لك إنزيل
بتلاقي قرونو لمعو وعطو بريق
لك الحرج بكون بسفل الجبل
يعني قريب عليه
وهوي عرفان أنو لو ما نزل بموت
بس هيك ما بدو
لك نزيل يا حبيبي ... نزيل يا عيني
بقلك بكل عين جكرنة : ماااااااع
لك نزيل يا حمار ... نزيل يا تيس
التيس : مااااااااااع
يعني بيعرف أنك على صواب
بس ما بدو يرد ... ولا بدو يقتنع
مشان هيك ضربو فيه المتل


ملاحظه على الهامش


إذا رأيت تيساً تلمع قرونه فلا تظن أنه ثوراً

المصدر: منتديات بنات فلسطين - من قسم: النكت والطرائف

ما انا فارط من ساعه قرأتها
هههههههههههههههه

نورتو الحفله
شكرا كسيرا