!~ آخـر مواضيع المنتدى ~! |
|
إضغط علي
او
لمشاركة اصدقائك! |
|
| LinkBack | أدوات الموضوع | انواع عرض الموضوع |
#1
| ||||||||||||||
| ||||||||||||||
يلعن ابو التكنولوجيا ...ل عمر زوربا يلعن أبو الفيسبوك ع أبو اللي اخترعو ،، بطلنا نشوف حدا ولا نقعد مع حدا ولا نعرف حدا ولا نقرب على حدا !! بطلنا نقعد ع باب الدكان نشرب بيبسي و نفورها ،، بطلنا نطلع عسطح جيرانو و نرمي حجار صغيره ع ولاد الحاره ،، بطلنا نوخد معنا كيس بردقان و نزور اللي اجرو مكسوره و نوكل البردقان عندو !! نسينا اشكال الناس ،، لا بعرف مين جيرانا ولا مين جنبنا !! بطلنا نروح ع جارنا اللي اجا من العمرة يشربنا مية زمزم ،، العزا عالفيسبوك ، والعرس عالفيسبوك ، والخطبه ، واللمة ، والخِلفة ، والطوشه ، و ام ابراهيم غادرت المجموعه !! الاحساس صار عالفيسبوك ،، ابتسام تحس بوجع رأس ، و خالد يشعر بالنعاس ، و عمر يشعر بالحب ، ووفاء تشعر بالوحدة !! حتى اذا اضطرينا وقعدنا مع بعض خاوه ،، كل واحد وجهو ضاوي من موبايلو ، وعالفيسبوك !! وبتوصل معنا انو نحكي مع بعض عالفيسبوك واحنا جنب بعض !! فش لمة نسوان الصبح تحت الياسمينه ، صار في مجموعة بنات العيله عالواتس اب ، و نسوان الحارة ،، كلو تكبيس و سحب وتتش !! كانت جارتنا تفتح بالفنجان لكل نسوان الحاره الصبح وكلو كذب ،، و تفسر احلام غلط ، بس كانو مبسوطين !! هسا اذا حلمنا ما النا الا جوجل !! كانت جارتنا اذا طبخت صحن رز ،، تنادي ع امي من الشباك تذوق منو ،، هسا بنصورو و بنزلو انستغرام ، و بنوخد رأيهم بالصوره !! يا عمي بدي اقعد بالحاره ، بدي العب طماي ، بدي اتخبى بدارنا بالعقل ، بدون محدا يمسكني اونلاين عالواتس اب ، ولا اون لاين عالفيسبوك !! يلعن ابو التكنولوجيا ،، #رجعولنا_زمان #عمر_زوربا المصدر: منتديات بنات فلسطين - من قسم: زوايا عامة dguk hf, hgj;k,g,[dh >>>g ulv .,vfh |
02-21-2016 | #2 |
حلـم أسمـر |
معك حق ملاكووو هاد وضعنا والأنكى من هيك انو صرنا نحكي مع بعضنا بالبيت عالواتس صارت التكنولوجيا والموبيل شغلنا الشاغل يعين الله ياسمينةةةة لعيونك |
|
02-21-2016 | #3 |
| للاسف التكنولوجيا قضت على مشاويرنا طلعاتنا وجياتنا الامور الاجتماعية خفت ويمكن تلاشت صار فينا نحاكي بعض كتابة بدل ما نسمع الصوت الله يفرجها شكرا شام |
|
02-21-2016 | #4 |
|
يا عمي بدي اقعد بالحاره ، بدي العب طماي ، بدي اتخبى بدارنا بالعقل ، بدون محدا يمسكني اونلاين عالواتس اب ، ولا اون لاين عالفيسبوك طيب مين ماسكك ههههههه بس والله كلام واقعي يسلمو الملاك للطرح كتير حبيتو ^^ |
|
02-21-2016 | #6 |
|
ااي والله رجعولنإا زماان حكي صحح كلوو .. والتكنولوجيآا دمرت ككل العلإاقات الآجتماعيةة ل الأسف عم نستخدمهآا آستخدام غلط طرح جمييل حبيبتي،، |
|
02-21-2016 | #7 |
الصمت القاتل |
كلام صحيح الهواتف والنت قطعت كل العلاقات الاجتماعية بين الناس صار كل شي عن طريق النت موضوع رائع ملاك تحياتي الك |
|
02-21-2016 | #9 | |
| اقتباس:
شكرا باروو | |
|
02-21-2016 | #10 | |
| اقتباس:
النت سلبياته صارت اكتر تحياتي الك | |
|
أدوات الموضوع | |
انواع عرض الموضوع | |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
عمر زوربا بيحكيي عن المستعربيين .. ههههه | ~ Mai ~ | النكت والطرائف | 8 | 10-13-2015 08:12 PM |
عالم التكنولوجيا الحديثة | ككُن بلسسماً | التقنيات و علوم التكنولوجيا | 9 | 08-17-2015 06:26 AM |
ما معنى التكنولوجيا | HOSAM | التقنيات و علوم التكنولوجيا | 9 | 09-20-2013 01:54 PM |
الله يلعن الي بده يسرقكم | بنات فلسطين | النكت والطرائف | 5 | 05-06-2013 04:29 PM |