| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
جوري ، الجزء التاني والأخير
وصلت الجامعة وبالي كله بماما وبابا ، ضليت سرحانة طول المحاضرات مش مصدقة متى اروح على البيت وشوفهم وضمهم ، قبل اخر محاضرة رن جوالي طلعت لاقيتها عمتو عبير ،
 |
| | LinkBack | أدوات الموضوع | انواع عرض الموضوع |
|
#1
04-07-2015
| ||||||||||||
| ||||||||||||
جوري ، الجزء التاني والأخير وصلت الجامعة وبالي كله بماما وبابا ، ضليت سرحانة طول المحاضرات مش مصدقة متى اروح على البيت وشوفهم وضمهم ، قبل اخر محاضرة رن جوالي طلعت لاقيتها عمتو عبير ، ما بعرف ليه قلبي انقبض ، رديت : اه جوري احمد جاي على الجامعة لياخدك خمس دقايق وراح يصلك ، صوتها كان متوتر مش طبيعي كأنها عم تبكي ، انا ما بعرف ما خطر ببالي اسألها ليش احمد بده يجيي ياخدني حكيت الها حاضر وسكرت الخط ، طلعت على باب الجامعة وقلبي لساته مقبوض ,اجى احمد وطلعت بالسيارة وجهه كان متل امبارح بالليل كان حزين ونظراته لالي كانت كأنها شفقة ، سألته وصوتي كان برجف : احمد شو في ، رد علي بكل حنية : ما في شي بس لازم تكوني بنت قوية ، شو في احمد !! بس نصل البيت بتعرفي وسكتنا احنا الاتنين لحد ما وصلنا البيت ، بس وصلنا كان في سيارات كتير. وضجة كتيره نزلنا من السيارة مسك ايدي طلعت فيه وانا مستغربة وهو طلع بعيوني وقال : جوري انا معك لا تخافي ، شو قصدگ انت !؟ دخلت البيت كان الكل مجتمع متل امبارح بس ما كان في بالون او كيك او ضحكات ما كان في بابا وماما ، كان في ناس. كتير ودموع ، اجت عمتو عبير وبس شفت وجهه كان كله دموع ، عمتو شو في وين ماما وبابا !! ضمتني وبكت من جديد وانا صرت ابكي واحكي شو في !! الله يرحمهم ويصبرك يا جوري ، هاي اخر كلمات سمعتها من احمد قبل ما اقع على الارض ، بعدها ضليت بالمشفى شي شهر مش واعية على شئ حواليا لا دموع عمتو ولا وجع قلب احمد عليا ، بعد ما مرق هالشهر انا وعيت واول شي حكيته وين ماما وبابا ليش مش معي !! وشو بكيت وصرخت لساتني ما استوعبت كيف راحوا ، بعدها عرفت انهم توفوا بحادث سيارة ، هلأ صار لازم ارجع على البيت بس ما في ، اه ما في فوته وما لاقيهم بستنوا رجعتي ، طلعت من المشفى على بيت عمتو عبير ، شو كانت حنونة معي هي واحمد بس رغم هالشي كنت حاسة حالي وحيدة من دون ماما وبابا ، مرق خمس شهور على وفاتهم كنت روح الجامعة بس لاحاول انسى بس على الفاضي ، ومرة گنت مروحة سمعت عمتو عم تحاكي عمي ويلي فهمته انو معترض على وجودي عندها وقال بده يجوزني لابنه هو طبعا طمعان بالورته ، بس الصدمة وقت حكتله عمتو : احمد بحبها وهيطلبها بس تهدأ ، هون بطلت قادرة فكر ،، انا خلص صرت خاف انو حب او اتعلق بحدا حتى ما ياخده الموت ، خلص ما بدي حدا يقرب ، بعد فترة احمد اجاني لياخدني من الجامعة وقتها قلي بدي اخدك على البحر لتغيري جو ، وبس وصلنا حسيت بده يعترفلي بحبه ، رحت انا قسيت على قلبي قبل لاقسى على احمد وحكتله : احمد انا بشوفك متل اخي يلي ما جابته امي ، اخوكي !! اي انت متل اخي الكبير واعز صديق , بس هيك يا جوري ، خبيت دمعتي وقتها وحكيت ايه ، رجعنا على البيت ومن وقتها احمد بطلت شوفه متل اول ، حسيت بوجع وبمره طلبت حاكيه وطلعنا على البحر ، قعدنا نطلع بالبحر ساكتين ، فجأة قطع الصمت ، جوري مالك في شي مدايقك !! اي انت ، انا !! ليش عم تحكي هيك !! لانك بعدت عني گتير ، انا ما بعدت انا .... بتحبني عارفة ، بس انا بنظرك متل اخ ، لا مانك اخي ، ،شو لكان يا جوري !! وقتها حسيت بدوخة ووقعت اخر شي بتذكره صرخته باسمي جوووري ، فقت على حالى بالمشفى واحمد جنبي ، طلعت فيه وقلت اله : بحبك ، تتجوزيني بكره شو عم تحكي بقلك تتتتجوزيني بكره انت مجنون هههه جوري ما عم امزح بكره راح نتجوز وفعلا تاني يوم گتبنا كتابنا وعشت معه ايام كتير حلوة ، بعد فترة عرفنا اني حامل ببنوتة ، كان احمد ياخدني على دكتور معين ويجي معي بكل مرة ، مرة كنت طالعة اتمشى شفت اعلان عن دكتورة شاترة وانا كنت حابة اولد عند دكتورة ، فتت على العيادة وخبرتها كل شي ، وانو على طول بحس بدوخة ، سالتني عن العلاج يلي باخده وبس جاوبتني انصدمت ، روحت على البيت ودموعي مغرقة عيناي ، رجع احمد اجى ليضمني بعدته عني مالك !! ليش خبيت عني !! شو خبيت ولي ؛! انو معي سرطان !! ووقتها اول مرة شوف احمد عم يبكي ، لانو بحبك وبدي عيش معك يلي باقي من عمرك لو يوم واحد ، وقتها ضميته وبكيت معه ، مرقت سنين على هالقصة وهلأ انا جوري الصغيرة بخبركو بقصة امي يلي توفت وهي عم تلدني مرق 15 سنة وبابا لهلا بحبها بجنون وكتير ، الله يرحمك يا امي ، المصدر: منتديات بنات فلسطين - من قسم: ابداعات أعضاء بنات فلسطين الشعرية والنثرية [,vd K hg[.x hgjhkd ,hgHodv hgehkd ,hgNodv  |
|
04-07-2015
| #2 | |
 
 |  بصراحه مع انه الاحداث سريعه لانه ما في مجال تطول اكتر الا انه خيالك واسع وعندك القدره لابداع الحدث يعني تفاجئت بالنهايه وكانه حلم طلعت البنت بتحكي قصه امها وانا بفكر الام الي عم تحكي رائعه نبض موعدنا معك بقصه ثانيه كمان هيك قصيره وممتعه راقت لي جدا تقييمي | |
| |
|
04-07-2015
| #3 | ||
| اقتباس:
ما حبيت اطولها لحتى ما يصير ملل نورت ،  | ||
| |
|
04-07-2015
| #4 | |
|
ي ريت لو مآفيهآإ موت و مرض كمآإن أنو بس تجوزو و أعترف بحبهآإ إالو هههههه ")) يسلمو نبض كتير حبيت القصةة ممتعةة !! ورده | |
| |
|
04-08-2015
| #6 | |
|
القصة جميلة بدون شك لكن احداثها مكركبة و مختصرة مافيها اي تفاصيل كأنه حدا بحكيلنا قصة ع السريع , ممكن كان هالشيء الي بدك اياه بأنه طلعت جوري بنتها بتحكي القصة بالاخير , ف بتحكيها باختصار وبشكل سريع , لكن بالاخير استمتعت بقراءتها | |
 |
|
04-08-2015
| #8 | |
 أحمـيـنــي مـن عينـاكِ
| من قوانين القصه القصيره أن تأتي الأحداث سريعه وأن يشعر القارء بالحدث القديره نَبض لقد شعرت بكل ما هو مكتوب وما كانَ للعيون سوى أن تَذبل حزناً على النحو البطيئ قصه فيها من الألم ما يكفيها رحم الله الوالده وأسعدك مع الوالد وأدامك بفرح يعانق روحك العذبه سعدت بالقراءه لكِ تحياتي | |
| |
|
| الكلمات الدلالية (Tags) |
| الثاني, الجزء, جوري, والآخير |
« جوري ، الجزء الاول
|
من اكون »
| أدوات الموضوع | |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| جوري ، الجزء الاول | رفيقة ٱلقمر | ابداعات أعضاء بنات فلسطين الشعرية والنثرية | 18 | 04-08-2015 02:53 PM |
| فقه الموت - الجزء الثاني | طائر الغرام | ▪« قطوُفٌ دَآטּـيَة ]≈● | 4 | 06-02-2014 11:57 AM |
| من عجائب الرياضيات الجزء الثاني | انـــ(A7mad)ــا فقط | استراحة الألعاب | 3 | 12-08-2013 08:14 AM |
| الجزء الثاني من / ليل الغريب | محمود | الــشعـر والـشعـراء | 8 | 08-01-2013 07:25 PM |
الساعة الآن 04:54 PM
