ليش احنا گده !!!!

ليش احنا گده ،




بتطلع حواليگ بتلاقي هالدنيا مليانة شر ،

ما حدا بتمنى الخير لغيره الا من رحم ربي ، گله

بگيد للتاني وبده اياه يقع ليحط سكانين فيه ويدبحه ، عم
نستنى بعضنا على الغلطة ، وبنمحي گل شي
حلو بلحظة ، بننسى گل شي منيح وما بتذگر الا الاسوء ،
طيب ليش احنا گده ، ليش الطيبة انمحت

من قلوبنا ، ليش الگره طغى واستگبر ، ليش صار الطيب اهبل !!!

وليش الانسان البسيط صار ما اله قيمة !!

ليش نظرتنا للامور گلها مادية ، ونسينا شي
اسمه ضمير ، بعنا اخلاقنا عشان مرگز وفلوس ،
بطلنا ندور على صديق وفي صار معيار الصداقة يگون غني ،
حتى الزواج مش مهم اخلاقها ومين هي المهم موظفة وبتجيب
فلوس والدين اخر شي بهمنا ،
تغيرنا گتير بس شو السبب يا ترى !؟
راح تحگو ضغوطات الحياة والزمن تغير ، بس لحظة هادا مش
مبرر لانو الحياة ما بتتغير احنا يلي بنتغير ، والدليل لسه
في ناس طيبة ما بتعرف تگذب او تسرق او تجرح ،
ولگو حتى الحب صاير لعبة ، الشب من بنت لبنت

وبطل يهمه اخته او امه لانو نسي گما تدين تدان ،
بدنا نقف مع حالنا ونفگر ، ما بدنا وقفة عابرة ، هالوضع
بدو تفگير گتير عميق ، لا تحگي انا شو هاغير ما
هو لو گل واحد حگى گده بحياتنا ما راح نتغير وراح ن
ضل متل ما احنا ، بسسس لو گل واحد بدأ بنفسه اگيد
هالوضع راح يتغير ، ما تستهين باي شي ولا تتراجع

لو شفت غيرگ ما تغير ،
وحط ببالگ شي مش مهم ابدا الشگل الخارجي
على قد ما مهم شو جواتگ ، يعني باختصار لا تغرگ
المظاهر ابدا ، خلي ترگيزگ على الجوهر على الروح
على الاخلاق ، لا ترافق هاد لانه غني حتى لو گان بلا
اخلاق وتترگ رفقة صاحب المبدأ صاحب الاخلاق بس لانه
فقير ، گتير منا بحترم حگي ناس وبنفذه
حتى لو گان غلط بس لانه بحبه او لانو بده منه
مصلحة طيب ليشششش ، وليش بس واحد يحگي
الگ شي صح بطنش لانو مش داخل رأسگ ،
عنجد احنا ليش هيگ صرنا سؤال بده تفگير طويل
، بده قعدة مع النفس ، انت وانا وهو. وهي
لازم نقعد مع حالنا ، ما بدنا الجيل الجديد يگبر ويگبر

جواته الگره والحقد والانانية ، بدنا جيل يذگرنا بزمان

وأهل زمان بطيبتهم وحبهم للغير والخير لانو عنجد

خلص زهقنا هالحال ،