!~ آخـر مواضيع المنتدى ~! |
|
إضغط علي
او
لمشاركة اصدقائك! |
|
| LinkBack | أدوات الموضوع | انواع عرض الموضوع |
#1
| ||||||||||||
| ||||||||||||
تعو نتعرف ع زريف الطول !!! قصة زريف الطول ... من التراث الشـعبي الفلسـطيني ... زريف الطول كان نجار .. وغريب عن القريه ..كان اسمه فلسطيني ..بس طوله كان سبب اسمه ... خلوق ما برفع عينه في امرأه ...وكان أبو حسن يعطيه أجره كل أسبوع ..وماكان يعرف وين بروح فيه ... بنات القريه بغزلوا حواليه وهو ولا هوه هون .. مرت المختار فصلت نمليه ..مشان تلفت نظره لبنتها... وام خليل مرت خطيب القريه فصلت عندو صندوق (اواعي) وحكتلو عن بنتها ..حتى الخطيب ..في خطبة الجمعه لمح للموضوع بس ما في فايده... زريف الطول مش تبع نسوان..... في يوم هجموا قطعان اليهود على القريه .واستشهد 3 شباب ... ثاني يوم غاب زريف الطول ..ورجع بعد 4 ايام ..رجع بالليل ..ما حدا شافوا ...بعد شهر رجعت قطعان اليهود ... كان زريف الطول مشتري ..5 بواريد...وزعهن على شجعان القريه .. قتلوا 6 يهود ... ثاني يوم القريه قامت وقعدت.. النسوان باعن ذهبن..مشان الشباب تشتري بواريد .. وصاروا يغنوا.. يا عربي يا ابن المقروده بيع أمك واشتري باروده .. رجعت القطعان توخذ بالثأر ...وحصلت معركه مثلها ماصار.. هرعوا الناس كبار صغار ..وفي كروم التفاح .ريح الثوره نسّم وفاح... استشهد شباب كثير ..بس خسائر القطعان أكثر ... جمعوا الشهداء ..زريف الطول مش معهم .. وزريف الطول مش مع اللي بقوا ... بس الكل حلف يمين انو شاف زريف الطول قتل أكثر من 20 يهودي .. وكان يطخ ببارودتين..وهو اللي سحب عمار وجهاد أولاد الأرملة من ساحة المعركه وهم جرحى والرصاص زي زخ المطر فوق رأسه ... طول الليل القريه دورت بالمشاعل على زريف الطول .. مابين الو أثر ... ومرت الأيام ..وصار زريف الطول اغنية القريه ... يا زريف الطول وين رايح تروح بقلب بلادنا تعبقت الجروح يا زريف الطول وقف تاقولك رايح عالغربه وفلسطين احسنلك.. .. بعدها بخمس سنين إبراهيم الحلاق حلف يمين انو شاف زريف الطول مع عز الدين القسام في احراش يعبد . .وجهاد ابن الأرملة بقول شافو مع الحنيطي بدرب الثوار بيافا.. اكيد مهو مش غشيم عنو ... وكثير ناس حلفت انو كان ببورسعيد مع جول جمال .. وعلى الوصف ناس شافوه بالكرامه على نهر الأردن بفجر دبابة بعد ما قطعت النهر ... وكان بسوق الغرب في اجتياح بيروت ... بس آخر مره شافوه.. كان بغزه.. طلع للقطعان من نفق ..رمى صلية صواريخ على تل أبيب ورجع على الخندق .... زريف الطول كل مقاوم .. وكل ايد قابضه على السلاح وسبابتها على الزناد ... بعرف ..في سؤال ؟؟؟هو زريف الطول ما بموت ... ليش هو الفلسطيني بموت !!!! المصدر: منتديات بنات فلسطين - من قسم: ะ» فِلِسطِيـטּ وآلقَضِيـةٌ |▪●™ ju, kjuvt u .vdt hg',g !!! .vdt hg',g |
09-11-2014 | #2 |
| يا زريف الطول وقف. تقلك رايح عالغربة وبلادك احسنلك خايف يا زريف تروح وتتملك وتعاشر الغير وتنساني انا ******************************* ************************************* يا زريف الطول وين مهاجر وين نتمنى من الله ترجع عنا هين بلكي انا وانتا بنتلاقى عالعين وبنغني عتابا ونصبح ميجانا *********************************** يا زريف الطول متغرب على القوم لا تبعد عنا وتحط علينا اللوم انشالله بترجع بترجع عالكروم نحصد القمحات ونجمع شملنا ************************************* يا زريف الطول غايب عن الاوطان وغيابك عنا ملا القلب احزان ارجع لامك وارجع للحنان ما تلقى الحنية غير في بلادنا ************************************* يا زريف الطول حلو يا دلوع والي يطيح البير يحسب للطلوع احنا اتفرقنا وعالله الرجوع والمفرق والمجمع ربنا ************************************* يا زريف الطول مالي ومالكم وابتليته بالهوى وش حالكم وان كان عشرت غيرنا طابت ليكم خبرونا تندبر حالنا ********************************** |
|
09-12-2014 | #3 |
حنين لرائحة زمن مضى ツ | "يا زريف الطول وراحوا وشمالوا، كل ما نلتقي بعودوا بيرحلوا، غابوا الحبايب ما عادوا يسألوا، يا طير الطاير سلم عحبابنا" حبيت انا كمان اضيف مقطع صغير بما اني بموت ع الغناني الشعبيه، والله محيي اصل الفلسطينيه، إسا لحتى عرفت شو اصل هالكلمه، وليش دايما بحكوها، كتير حبيت الموضوع، يسعدك .. |
|
09-12-2014 | #5 |
|
و أنا صغيرة كانت أمنيتي أشوفو لزريف الطول لما كنت بسمع العجائز تتغنى باسمه بس لما كبرت اعرفت انو موجود بينا في كل مكان ربنا يحميهم رائع طرحك جدا كل الود لروحك |
|
الكلمات الدلالية (Tags) |
زريف الطول |
أدوات الموضوع | |
انواع عرض الموضوع | |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
شخصيات نتعرف عليها من جديد | ملك روحي | ะ» فِلِسطِيـטּ وآلقَضِيـةٌ |▪●™ | 6 | 08-24-2014 11:17 PM |
حديث شريف غفلنا عنه كثيرا | رهف | ▪« قطوُفٌ دَآטּـيَة ]≈● | 10 | 08-24-2014 07:10 AM |
اختر صورة وتعرف على شخصيتك | الصياد | الـטּـِقآشآتُ الجَّآدة والـפـوَآر..! | 24 | 08-18-2014 12:13 AM |
كيف نتعرف على الناس,موضوع كيف نتعرف على الناس | ناثرة الورد | زوايا عامة | 5 | 09-29-2013 10:00 PM |