| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
حلوي آلدني ツ ...
= 500) this.width = 500; return false;" /> العاب يسعدلي صباحكوا ومساكوا = 500) this.width = 500; return false;" /> ، هدا ثالث موضوع لإلي هههههه، بعرف
 |
| | LinkBack | أدوات الموضوع | انواع عرض الموضوع |
، 
" ..
07-25-2014
| #2 | |
 حنين لرائحة زمن مضى ツ 
 |  "حلوي آلدني، حلوي سوى، ئلبي وئلبك فوء الهوى، داب الماضي راح انطوى والزمن دوار .." لهالسبب سميت مدونتي بهالاسم، لإني بحب هالغناي لوديع مراد، بحس هالغناي بتعطيني امل وبتخليني مبسوطه، وبنفس الوئت حبيت يكون عنوان حلو، عنوان اي حدا رح يئراه ينبسط فيه، لإني بعيده عن الاحزان، مع انه حياتنا بتخلاش من الاحزان وكان فيني احط عنوان حزين، بس دايما بحب اتفائل رغم كل اشي، وتضل الضحكه مرسومه ع وجي ..  | |
 |
|
07-26-2014
| #3 | |
| حنين لرائحة زمن مضى ツ
|   ئبل شي اسبوعين، كنت ماشيه بالطريئ مروحه من جامعتي بعد ما خلصتي شغلتي هناك، ورايحه ع محطة الباصات لأروح، بطريئي بالصدفه لمحت عجوز ماشي ع عكازه كإنه كان بيأشرلي بإيدو، مشيت لعندو وعرفت انه بدو مساعده، دغري ئلي ساعديني انزل من الرصيف وائطع الشارع، يعني يئطع الممر المشاه، مع إنه كان وائف جنب ممر المشاه بالزبط، مسكلته ايده وساعدته وراح، ئطعلي ئلبي من كتر مهو كبير بالعمر ويا دوب كان الحكي يطلع من تمه، صرت اسال حالي، كيف الشباب بيتركوا اهاليهون الختياريه لحالون؟! ليش بهاللحظه بنته او ابنه مش معه؟ عنجد الدنيا غريبه .. | |
| |
|
07-27-2014
| #4 | |
| حنين لرائحة زمن مضى ツ
|  "بتكبري بكرا ..!! بتكبري .. وبتعرفي انو الدنيا مو كلمة بحبك، ولا شب حاول بيوم من الايام يسعدك .. ! بتكبري وبتعرفي انو الرفقات مثل الفقاعات بلحظه بروحو، بتكبري وبتعرفي انو دراستك اهم من اي شي تاني وانو يا حوينة الوقت يلي ضيعتي على ناس ما يستاهلو.. بتكبري وبتعرفي انو اهلك همي سندك لو شو ما عملو فيكي وقد ما ضغطو عليكي .. بتكبري وبتعرفي انو ما حدا بيقويكي بوقت ضعفك غير رب العالمين مو كلمة طولي بالك من حدا جواتو شمتان فيكي.." كتير بعنيلي هالحكي، مع إني كنت صغيري وئتها لمن حكالي هيك، ومع هيك حافظت ع كلامه، وكبرت وعرفت ئديش كلامه مزبوط، فعلا الانسان كل ما كبر بحياته، كل ما تغير، وكل ما مر بتجارب كبيره وصعبه، تجارب بيكنش ئدها بس بتعلمه اشياء كتيره ليصير خبره بالحياة ..  | |
| |
|
07-27-2014
| #5 | |
| حنين لرائحة زمن مضى ツ
|  بتذكر زميله معي بالجامعه وهي من نفس بلدي، سبئ وئلتلي شي مره مبين عليكي مغروره، صفنت فيها وئتها، وعرفت انه كتار ماخدين هالنظره، بيحكموا علي دغري بدون ما يعرفوني مين انا وكيف انا وايش انا، احتكوا فيي لتعرفوني، فعلا اللي ما بيعرفك بيجهلك .. | |
| |
|
07-29-2014
| #6 | |
| حنين لرائحة زمن مضى ツ
|  دايما بحصل ع شو ما بدي بصعوبه، مش جديد، من وانا صغيري هيك، بئعد اتطلع ع ناس تانيين، بلائيهون يللي بدّون اياه بلائيه صار موجود بحياتون، بصير اسال حالي، ليش دايما مضطره اتعب كل هالئد لحتى احصل ع شو مبدي؟ بس مع هدا كله، الاشي الايجابي بشخصيتي إني إنسانه دايما بتفائل وبحب اخلي الامل موجود، لإني بآمن إنه " الانسان يللي بشتغل وبيتعب من ئلبه آخرته رح يحصل عاللي بدو اياه، حتى لو طوّلت الشغله .."  | |
| |
|
07-30-2014
| #7 | |
| حنين لرائحة زمن مضى ツ
|  كتير اوئات الظروف بتبعدنا عن الاشخاص المميزين بحياتنا، حبيناهون من ئلبنا وكانوا ئراب مننا، بس يمكن إذا منرجع ندور عليون نلائيهون، مين بيعرف؟ هدا إذا كنا عنجد منحبون ومنعزون من ئلبنا، متل ما صار معي من تلات ايام، رجعت حكيت مع صديقي من سوريا، كان مختفي فتره طويله، وانا استغربت انه طلع عايش، اختفى بالفتره اللي بلشت فيها المشاكل بسوريا، مخطرليش إنه يكون لساته عايش لإنه الاوضاع بهداك الوئت كانت صعبه كتير، معرفتش الائي طريئه وئتا لحتى اتطمن واعرف اخباره وهوي كمان نفس الاشي، بس عملت المسحيل تا لئيته، كتير انبسطتله من ئلبي بعد ما عرفت إنه لساته عايش واتزوج وصار عندو بنت صغيري .. حاولوا تحافظوا ع الاشخاص المميزين بحياتكوا، حتى لو كانوا بعاد عنكوا، لإنه مش كل يوم منلائي هيك اشخاص بحياتنا ..  | |
| |
|
08-08-2014
| #9 | |
| حنين لرائحة زمن مضى ツ
|  انا إنسانه صريحه كتير، تعودت ع هيك من وانا صغيري، بس في شغلات جواتي بكون بحاجه احكيها، بس مش عم بتخيل شو ممكن تكون ردات الفعل مع إنه مش لازم اخاف، بس لإنه بعترف صراحتي كتير جبتلي مشاكل، لهالسبب اغلب اوئاتي غامضه وكتومه نوعا ما، صحيح عندي معارف، بيعرفوني وبيحكوني، بس بيجهلوا شو فيه جواتي ومين انا بالزبط .. | |
| |
|
08-22-2014
| #10 | |
| حنين لرائحة زمن مضى ツ
|  كتير اشخاص، وجودن كان مجرد وهم بحياتي، تمنيت لو يكونوا موجودين بحياتي ع طول، ما اعيش معون فتره ويصيروا ذكرى، بس للاسف مش كل اشي برغبه بحصل عليه، يمكن هني مش إلي من الاساس، بس مع هدا كله، مبسوطه، مبسوطه لإني عشت معون فتره، ورح يضلوا ذكرى حلوه .. | |
| |
|
| أدوات الموضوع | |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| خلني كذا وياك من غير عنوان | ﻏچـړﭜﮧ ♕ | اللمـسات الـفنيـة | 5 | 05-01-2014 02:35 AM |
| حلوى باللوز على شكل زهرة | دلع ميدو | װ..مطبخ بنات فلسطين]●ะ< | 10 | 03-18-2014 09:29 AM |
| ♥(¯`•._.•[ أتعلم ماذا يؤلمني؟؟ ]•._.•´¯)♥ツ๑ | اقلام مبعثره | زوايا عامة | 5 | 01-16-2014 03:59 PM |
| حلوى الظفيره الجزائرية | اليسا | װ..مطبخ بنات فلسطين]●ะ< | 7 | 07-27-2013 12:58 AM |
الساعة الآن 04:19 PM
