الجمهرة ( للشاعر حامد زيد )

الجمهرة ( للشاعر حامد زيد )

إي بالله اخطوا والخطا اللي جابهم عين الصواب

مبطي اشوف الطمع يكشف رداهم واسترة



مايملي عين الحسود في هالزمن غير التراب

ومن لايتوب من الخطا تحرم عليه المعذرة



اللي من اولها خراب.. اكيد تاليها خراب

والبندق اللي ماتثور في هدفها تذعرة



ودك اليامن جاتك الغلطة من الناس القراب

الصاحب اللي ماتكسب محبتة ما تخسرة



مشكلتي اني ماعرفت احسب لصدتهم حساب

قلبتهم صدري على ذكري قصيد وحنجرة



صوتن يصونك منظرة وخطا مابعدة خطا

والطيبة اللي زعزعت صوت الخطيب ومنظرة



مافيه دمعن صوبوة احبابي بوجهي وخاب

ولا زرق حزني على غالي ولا فج نحرة



كل الزهاب اللي معي ذكرى من اصحاب الزهاب

واللي بقالي من عذاب اخرس طريقي واخطرة



لاني تجنبت الغرق...عديت من فوق السحاب

لان اكثر اصحابي ورق ماشفت للطيب ثمرة



والله ماحطيت بين الحقد والاخوة حجاب

حتى ربعي يحدوني على الضيق اشكرة



البارحة ثارت علي ارقاب وآوتني ارقاب

البارحة ياثقل دم البارح ويا محقرة



اهب ياوجة الحسد وشلون جمعهم وغاب

كيف السنين اللي عطتهم بعثرتني بعثرة



اثر المصايب ماتجيك الا من الناس القراب

وبهالزمن حتى الخوي اللي تثق فية احذرة



لابارك الله في خوين بهالزمن تزعلة كلمة عتاب

ولا جمع الله الرجال اللي تفرقهم مرة



عودت نفسي كلما شديت ليمة ركاب

ماصد وجههي عن طريق اليا جبت خبرة



الصاحب اللي مايجي من صحبتة غير العذاب

نذرن علي ان ماهجرني لاهجرة



من يفتح لفرقاي باب افك لة عشرين الف باب

وإذا خويي مايقدر خوتي ما اقدرة



إن روحو فانا بري منهم الين يوم الحساب

وإن جرحوا قولولهم ماحركو فيني شعرة



شفهم لهم حول السنة ما خذو مني جواب

احسن دوا للي يحاول يستفزك تحقرة



انا جمعت اوراقهم بكتاب واغلقت الكتاب

ياوقت لم اللي تلمة وانثر الي تنثرة



ماكنت احاتيهم صغير عاد احاتيهم شباب

إن ماذخرني صاحبي لليوم الاسود ما اذخرة



عقب اكتآب البارحة ماعاد انا حمل للاكتاب

الطيب جرجرني وانا مانيب ناقصني جرجرة



اللي يخاف من الظما يتركلنا طرد السراب

واللي مب قد الظلام ووحشتة لايسهرة



انا تجرعت الظما لين احترق وجههي وذاب

انا كسرت بخاطري قبل لاتكسرة



انا خسرت اللي غيابة غير عن كل الغياب

انا غفرت لعالم ماتستحق المغفرة



انا اكثر انسان تعلم من كثر ما اخطى واصاب

انا اخر انسان يتكلم في زمن الثرثرة



انا القصيد اللي نزع من دفترة مليون ناب

انا الوحيد اللي جمع مليون ناب في دفترة



جفني وجرحة السهر..حيلي وهدتة الصعاب

دمعي هدر..وضحكي ندر..عمري وظيعت اكثرة



شيبت بعقول العرب وهيبت بروسن ماتهاب

جمهرت ناس عمرهم مايعرفون الجمهرة



ماصرت ذيب إلا ان اللي حواليني ذياب

ماكنت اغيب إلا لان العفو عند المقدرة



ترا حلاتك لاحملت لصاحبك كلمة عتاب

إن ما نطقتة بوجة ماتذمة بظهرة



في هالزمن مايملي عين الحسود الا التراب

وإلا الحظيظ الطلقة اللي ماتصيبة تذعرة



ودك اليا من جاتك الغلطة من الناس القراب

الصاحب اللي ماكسبت محبتة ماتخسرة..

المصدر: منتديات بنات فلسطين - من قسم: الــشعـر والـشعـراء

---

hg[livm ( ggahuv phl] .d] )